Hoof Toesighouer 2026 – Angie Elbrink

Hallo, ek is Angie Elbrink. Ek is gebore en het grootgeword in Stellenbosch. Ek is die oudste van vier kinders en ek is getroud met twee pragtige kinders. My passie om met kinders te werk het al vroeg begin.

Ek het my skoolloopbaan by Hoërskool Stellenzicht voltooi en daarna ’n ECD-kursus by Boland Kollege. Ek werk al meer as tien jaar by Kabouterland, en ek voel dit is ’n voorreg om deel van hierdie familie te wees.

Vir my is ’n opvoeder ’n bietjie mamma, ’n bietjie verpleegster, en baie van ’n engel. Ek glo dat sonder God is alles tevergeefs. Ek wil graag altyd my beste gee vir elke kind en ’n liefdevolle omgewing skep waar hulle kan groei en floreer.

“Wees elke dag liefdevol en goedhartig. Daar is niks mooier as ‘n hart vol omgee, liefde, hoop, blydskap, dankbaarheid, verdraagsaamheid, nederigheid en sagmoedigheid nie.”